De Frisiana

**********************************

  De Frisiana    It Woanskip   Piraten plakboek   Nei de Jister

********************************************************************************

FRISIANA = PRODUKT FAN FRYSKE GROUN

De man dy dizze namme keas foar syn geheime stjûrder, prebearret eat fen dizze betsjutting wier te meitsjen. Yn de Súdwesthoeke stiet 'De Frisiana' bekend om syn moaie programma’s mei muzyk, humor, kwissen en plaatsjes op fersyk.
'De Frisiana' jaget ek op 'regio lûd' en fernuvert him oer de de faaks goede kwaliteit fan ûnbekende muzyk en, sjongtalint. Om 't de kar yn Fryske platen him nea te grut is, hat er in begjin makke mei it sammeljen fan dizze groepen op in rige 'Frisiana' platen.
As de earste plaat út komt hat 'De Frisiana' krek 5 jier bestien. Wij winskje him noch in protte muzykaal ether plezier en foar Jo in protte lústergenot.
Koudum, april 1981
******************************************************************************************************

 

 

 

Tekst herkenningsliet fan de Frisiana

  Goei' Joun Harkers 

Goei' joun harkers - Meitsje jim tastel frij 
De Frisiana - Komt er wer bij 
't Is In echte piraat - Hy draait plaat nei plaat 
It is sa’n noflik skoft - Mei him yn 'e loft

In hiel protte minsken - Freechje dan in fersykje oan 
Foar heit en dochter - Foar frou of soan. 
Hy docht earn dat net mei - dus moat it stikem wei 
Mar sa leit it paad - Fan in piraat. 

tekst; Stien de Vries, De Wiske - Warkum 
Wize; Simmermoarn

*****************************

 

 Histoarje

Sa'n fiifentweintich - tritich jier lyn, doet in pilske yn it kafé as in pakje sjek noch fl1.25 (€ 0.57) die en guon al in “mobyle” hiene yn de foarm fan in breeky breeky 27 MC bakje, wie Koudum in jier as wat yn de besnijing fan de eterpiraten. Sy hiene nammen as: "Butterfly", "Lord Wanhoop", "Goldfinger", "Goudvink" en "De Súdwester". De bekendste wiene “De Hofkesjonger”, letter "De Frisiana”, alias Romke Kroondijk en "Kees Snelbinder" fan bakker Úlke de Vries. Fersykplaten koene oanfrege wurde by tuskenpersoan Jappe Roosjen. Doe't Hilversum troch staking in dei plat lei seach Romke syn kans, hy hat de hiele dei radio makke fanút syn studio yn de hoannebalken fan de pleats. Op it hichtepunt makke hy in LP “Frisiana Festival” mei regionale muzikanten. De opnamen wiene yn de Klink yn 1981, Piebe Bakker die de klankrezjy, boargemaster Ties Elzinga krige it earste eksimplaar. Op dy LP û.m. "Het lied van de Koudumer piraten" fan "De Goldstars". Romke en kollega piraat Ülke stjoere noch altiid de muzyk út dêr’t se fan hâlde mar se dogge dat legaal sûnt sy by RTN oan de slach giene yn 1997. De Warkumer piraat Atze de Groot gie ek by RTN oan de slach. Op de website fan De Frisiana stiet ynformaasje oer de RTN programma’s fan de eks piraten en binne de útstjoeringen noch 14 dagen neitiid del te laden.

maandag 6 november 2006 (Ophelle fan: www.koudum.nl)

*************************************************    omheech

Romke Kroondijk mei "Pompeblêden"

  Radio Gasterlan is tige ynnommen mei in nij 'ald' programma.

.

POMPEBLÊDEN mei Romke

De efterlizzende gedachte efter it programma is it feit dat der net folle stjoerders binne dy't Frysktalige ferskes bringe.Omrop Fryslân docht der de leste jierren aloan mear oan mar dochs hearre jo bij Romke in protte ferskes dy't noait op oare stjoerders draaid wurde. Op sommige lokale stjoerders wurd troch de programmamakkers Hollânsk praat. Der docht dizze presintator dus net oan mei.Lokaal is lokaal en yn de Súdwesthoek wurd foaral Frysk praat. Neist de Frysktalige komme der ek gauris wat Grunneger en Drintske ferskes foarby. Derneist wolris in regionaal gedicht,nijtsjes en wurdt de aginda neigien mei manifestaasjes wêryn muzyk brocht wurd dy ek yn it programma past.

Dus beslist gjin “pop” jûnen. Regionaal talint kriget kânsen as hja mei harren muzyk nei de studio komme of middels in mailtsje oanbiede. It programma is altyd wer oars en wurdt pas gearstald op it momint fan útstjoering.Meastal binne ynfloeden merkber fan it waar, in feest of tryste foarfallen yn syn wengebiet. Desimber is de Krystmoanne en dat is goed merkber oan de dan draaide krystmuzyk.De muzyk bij Romke hat foar “elts wat wils” en grif foar jo ek.

Hawwe jo it programma fersitten dan is it noch 14 dagen dernei te belústerjen fanôf syn website www.de-frisiana.nl.

Jo kinne der ek in protte oare ynformaasje fine oer Romke yn de Frisiana pirate tiid.

Dus harkje mei op de lokale radio fan Gasterlân      

**************************************************************   omheech